قدمت الإعلامية رشا الجمال، فقرة خاصة ببرنامج "حكاوى القهاوى"، المذاع على قناة الحياة، عن عم شتا 30 سنة ملك صنعة الطعمية من أيام الحجر اليدوى بالسيدة زينب.
وقال عم شت: "بقلى طعمية على ثلاثة أنواع ومنها العجة وطعمية في الفرن.. وبقالى عند الجحش 30 سنة ومن أيام ما كنا بنطحن الطعمية على الحجر.. والجحش أول مرة يعمل فطار وغداء وعشاء، ولكن قبل كدة كان الطعمية للفطار بس".
وكانت الإعلامية رشا الجمال – ابنة الإعلامية الراحلة سامية الإتربى ـ أعلنت تقديم برنامج "حكاوى القهاوى" على قناة الحياة خلال شهر رمضان هذا العام، حيث يعد من أبرز برامج والدتها الراحلة، وارتبط في أذهان الملايين من المصريين بحلول شهر رمضان، وحقق البرنامج شهرة كبيرة أعواماً عدة متتالية، واعتُبر من أهم برامج التلفزيون المصري سنوات طويلة.
وروت رشا الجمال قصتها مع تقديم برنامج والدتها من خلال منشور على صفحتها بموقع فيس بوك وكتبت:"كان زمان بعد ما ابتديت أكون مذيعة اتعرض عليا كذا مرة إني أعمل حاجة شبه برنامج حكاوي القهاوي بتاع أمي الله يرحمها وأنا رفضت، كنت ساعتها حاسة إنه إفلاس، ما القديم موجود وجميل جداً، نعمل واحد جديد ليه؟ مفيش مواضيع جديدة؟ هل أنا مذيعة فاضية ودي الطريقة الوحيدة للنجاح؟ وقتها شعرت إن ده type casting ورفضت: "لن أعيش في جلابية أمي" الله يرحمه نور الشريف.
واستطردت رشا الجمال :"لكن الفكرة المخيفة: هل لنا أن نتطاول على الزمن؟ هل الناس هتحبنا زي ما حبوهم. أمي و يحيي تادرس وعمر أنور وعمر زهران والناس اللي اتربيت اسمع قصصهم، ما هنرييت سكاكيني ماتت، و بتاع الزراير اللي في عمارة Tiring مات، و بتاع البيانولا مات وزمان البنت منصورة اللي طلعت في التتر ماسكة حنش في أبو رواش بقت جدة.. وبعدين فكرت أمي كانت تعشق شغلها وناسها ودنيتها، وبابي كان يقعد يتريق عليها: شغلي، عربيتي، جلابيتي، بنزيني، سجايري، قهوتي، أنا مذيعة!.
