عرف عن الفنان الرائد عبد الهادى الجزار جهوده فى مجالات متعددة بخلاف التصوير والرسم فعلى الرغم من ريادته فى مجال الفن التشكيلى بلوحاته ذائعة الصيت مثل السد العالي والجوع وعاشق الجن والشعر الشعبي وغيرها إلا أنه كتب الأشعار والأزجال الشعبية كما قام بكتابه بعض القصص للأطفال مع رسومها فله قصتان هما دكان الحلاق وخروج الروح فضلا عن أنه درس الموسيقى العربية على يد الموسيقار عبد المنعم عرفة وكان يعزف على العود وقد رشح للظهور في الحفلات.
وقد حرصت عائلته على جمع قصائده وقصاصاته الشعرية فظهرت في الدراسات التى تناولت حياة وأعمال الفنان الكبير الراحل ومن قصائده المكتوبة بالعامية قصيدة يقول فيها:
فى فجر العيد
وطوق الشمس معقود بتيجانى
أساور من الحب أهديها خلانى
ونجمى وافي
شايله على كتافى
أسافر بيه جوه الغيب ومزمارى
ينادى الخلق
وفى قصيدة أخرى يقول:
مواليد عرايا وعذارى بتتخلّق
سندس قفاطينه محبوكة شراشيبها
كوالين شفايفه تتعشق بأنفاسها
خارجة من الجوف بتغربل براكينه
يفضل يهز الروح إزاى منين جاية
جاية من البحر واللا من بحور الشرق
جاية من بلاد الشرق واللا من بلاد السين
جاية مواكب مالها آخر تشوفه العين
مزامرها وصاجاتها والدفوف عاليين
جاية من النبع اللى رواه الدم
جاية يا حالم الليل والنهار والعمر
جاية يا سيد الجلال والجمال والسحر
جاية يا حاطط الصبّار على قبور اللطف
يا صايغ المعنى جوه عشوش النسر
يا شارب الود من صدور الأم
يا قاسم العيش ويّا عجول البَّر
يا طالب السعد مش باليد أو بالكلام الحلو
يا راغب النور شوف الخلايق وطبايعها
لف معاها وقيّل واضحك وطاوعها
تلقى المعانى فى الخلايق والحساب والجبر
تلقى الخلايق معادلة تحيَّر وحاصل ضرب
والنفس حق والعين تعرف مقاصدها
وأفلاك دايرة والليل فراملها
عالم يا سلام عليه كل شىء محسوب
اللي اتجمع له سر الوجود موجود
