قالت الدكتورة وفاء عبد السلام الواعظة بوزارة الأوقاف، إن هناك إشكالية كبيرة فى تربية الأبناء وأخطاء جسيمة يقع فيها الوالدين أثناء التربية، مما يتسبب فى إفساد التربية، موضحة: "تفضل الأم تعلم أولادها إنهم يكونوا حنين على بعض، وتيجى فى لحظة وقدام الأولاد تقول لزوجها من ساعة لما أخت زارتنا وحياتنا نكد، الطفل هنا شاف الكلام مهما تعلمى فيه لما يكبر هيتعامل مع أخته بنفس طريقتك مع زوجك".
وتابعت الواعظة بوزارة الأوقاف، خلال حلقة برنامج "البيت"، المذاع على فضائية "الناس"، اليوم الثلاثاء: "تلاقى الأم والأب عمالين يعلموا أولادهم عدم الكذب ولازم يكونوا صادقين دائما، تبص تلاقى التليفون رن، تلاقى أحدهما يقول قول مش موجود، أنتم كده علمتوه الكذب وأنتم لا تشعرون، لأن الأولاد بيأخذوا القدوة من والديهم، وهو ده اللى هيتعاملوا به لما يكبروا".
واستكلمت: "لازم نخلى بالنا من الأمور دى ونعلم أولادنا الآداب المحمدية، دى اللى هتجيهم من البلاء والابتلاء، سيدنا النبي بعث لإتمام مكارم الأخلاق، لازم نخلى الأولاد يبقى تعاملاتهم مع ربنا ويعرفوا إن ربهم شايفهم".
وكانت الشركة المتحدة للخدمات الإعلامية، قد اطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.
وتبث قناة الناس عبر تردد 12054 رأسي عدة برامج للمرأة والطفل وبرامج دينية وشبابية وثقافية وتغطي كل مجالات الحياة.
