قال الشيخ خالد الجندى عضو المجلس الأعلى للشؤون الإسلامية، إن الصدقة يجب أن تكون نية من يُخرجها "لله"، موضحا: "لو أنت بتدى الصدقة لواحد، وكشر فى وشك، هتكمل وتديله الصدقة ولا لا؟ لو مش هتديله الصدقة يبقى مكانتش لله".
وأضاف خلال تقديمه برنامج "لعلهم يفقهون"، عبر قناة "DMC": "لو انت بتدى الصدقة لشخص، وهذا الشخص طلع نكّار للجميل وسئ الأدب معاك، انت هتعمل ايه؟ دا اختبار صعب جدا، وكل واحد فينا متعرض له، إن انت تعمل المعروف فى حد ويطلع قليل الأصل أو دمه تقيل أو يغلط فيك ويتطاول عليك وينكر فضلك ويسئ إليك".
وتابع الشيخ خالد الجندى: "أنا عاوزك تختبر نفسك، هتعمل دا لله ولا لا؟، الهدف هو لله، قل إن صلاتي ونسكي ومحياي ومماتى لله رب العالمين".
