كشف الفنان العالمى أمير المصرى حقيقة ارتباطه، والصفات التى يرغب بها فى شريكة حياته المستقبلية، مشيرا إلى أنه يتحرك فى البداية بقلبه، لكن عقله يغلب فى النهاية على اختياره.
وتابع خلال حلوله ضيفا على برنامج "مساء dmc" مع الإعلامى رامى رضوان على شاشة قناة dmc: "الأهم بالنسبالى الاحترام والتفاهم، لأنهما أقوى من الحب، الحب ممكن يزيد أو يضعف لكن الاحترام اللى بيكمل معاك".
وعن صفات شريكة حياته المستقبلية، أوضح: "مش همى أوى الشكل، المهم تكون جدعة وبتحب نفس الحاجات اللى بحبها، وتأكل معايا"، مازحا: "يعنى مش هاكل حمام لوحدى لازم تدوس معايا".
كما رد على الشائعات الأخيرة التى طالته على مواقع التواصل الاجتماعى، وكشف حقيقة ارتباطه بإحدى الفنانات، قائلا: "لسا هنشوف، لأنى لما رجعت مصر كان عندى هدف إنى أثبت نفسى فى الشغل، لأنه مهم، لأى واحدة تبقى معايا أبقى مستقر فى شغلى، وكلام السوشيال ميديا بيحبوا يكتشفوا حاجات جديدة، وبيحبوا القصص، أكيد مش أنا الوحيد اللى دا بيحصله".
يذكر أن النجم أمير المصرى شارك مؤخرا فى مهرجان كان السينمائى الدولى فى دورته الـ76، من خلال فيلم Club Zero لمخرجة جاسيكا هاونسر، الذي نافس فى المسابقة الرسمية، وجسد خلاله دور مدرس باليه.
وتعتبر تلك المشاركة الثانية للنجم أمير المصري فى مهرجان كان السينمائي، حيث شارك مسبقًا بفيلم Limbo وحظى بنجاح واسع وردود نقدية إيجابية، قبل أن ينطلق فى جولاته بمهرجانات سينمائية دولية كان أهمها مهرجان لندن، القاهرة، ميونخ السينمائي الدولي.
