نتيجة الثانوية العامة هي من أكبر المخاوف التي توجه الإنسان في فترة معينة في حياته، فالبعض يعتقد أنها تحديد مصير والبعض يعتقد أنها نهاية العالم، لذا يستعرض "اليوم السابع" خلال السطور التالية أغرب التصرفات التي قام بها البعض على السنوات الماضية يوم نتيجة الثانوية العامة، تنوعت التصرفات ما بين كوميدية وغيرها من المواقف التي كانت لا تخطر على البال.
مواقف وتصرفات قبل نتيجة الثانوية العامة
طبعت مصيف من غير ماحد يعرف
قالت أحمد أبراهيم في حديثه لـ اليوم السابع:" قبل النتيجة بساعات الكل منتظر على أعصابه وأنا جهزت هدومي من غير علم أي شخص في البيت وطلعت مع أصحابي مصيف، لكن كنت مرعوب وكنت قلقان من رد الفعل في البيت، لكن الحمدلله حصلت على 85%
نظفت المنزل لأمي
فيما قال محمود أحمد: "أنا من أول اليوم كنت عارف أن النها ردة موعد النتيجة، فقررت أعمل مواقف حلوة، قمت بتنظيف البيت كله لأمي، ودخلت نمت والنتيجة بالفعل ظهرت بليل، لقيت الكل بيقولي إنهم مستغربين تصرفاتى وللأسف كان مجموعي 57% كان أبويا مصمم على طردي من البيت، لكن أمي رفضت وقالت دا تعبان من أول اليوم ينضف في البيت.
شغلت أغاني الناجح يرفع إيده
وتقول آلاء محمد: "الليلة دي معرفتش طعم النوم، روحت قومت شغلت أغاني الناجح يرفع أيده، لقيت البيت كله امتلئ زغاريد، كانوا فاكرين أني جبت النتيجة ونجحت، لكن كانت لسه مظهرتش ولما ظهرت جبت 80% نزلت سجدت لربنا بعدين إفتكرت إني علمي علوم عيطت وزعلت جدًا، فعايزة أقول بلاش تسرع في الفرحة، الحمد لله أنا دلوقتي مخلصة وعندي طفلين، اكتشفت أن الثانوية العامة خدعة.
كنت هغرق تحت الدش
فيما يقول عمر: "أنا كنت من أوائل المدرسة ودخلت هندسة بترول، لكن يوم النتيجة دخلت الحمام من كتر الخوف وأنا تحت الدش شرقت وكنت بصرخ أقولهم أنا بغرق، كل دا من الخوف، فأنا عايز أقول نصيحة للطلاب:" الثانوية العامة مش نهاية العالم، حبوا اختيار ربنا ليكم ،لأنها الأفضل .
نزلت اشتري لبس الكلية
تقول مي: "أنا كنت خائفة وسبت البيت ورحت عند خالتي خوفًا من أهلي، لقيت خالتي أخدتني ونزلنا نشتري لبس بتقولي علشان الكلية وتستعدي، كتير اتريق علينا قالنا مش لما النتيجة تظهر، لكن الحمدلله ظهرت وجبت 96% كانت دائما عندها ثقة فيا أني هدخل كلية كويسة
مواقف كوميدية في نتيجة الثانوية العامة
