قالت أمل مدبولى ابنة الفنان عبد المنعم مدبولى، إن أول من أطلق على والدى "أسطى الكوميديا" هو الفنان سمير خفاجى، وأصبح كل أعضاء فرقة الفنانين المتحدين يطلقون عليه هذا اللقب، وخصوصا أنه كان يخرج كل المسرحيات كما أنه شارك سمير خفاجى فى التأليف.
وأضافت خلال لقائها بحلقة اليوم من برنامج مساء دى إم سى مع الإعلامية إيمان الحصرى: الناس متصورة الكوميديان قاعد طول النهار يضحك ويهزر لكنه كان دمه خفيف وبيضحك ويهزر لما يبقى مزاجه رايق، واحنا كنا بنشوفه طشاش وبنعمله ألف حساب وهو في البيت لحظة الهدوء يعنى هدوء لما يجيلى تليفون لازم يسكت لما يجيله ضيف نقعد هس خالص كان في قوانين في البيت.
وتابعت: والدى قبل الوفاة بشهرين كان بيجهز مسرحية مع المسرح القومى وحياته كانت في المسرح والإذاعة والسينما والتليفزيون كانت على جنب لكن المسرح حاجة تانية، ووالدى والأستاذ فؤاد المهندس كانوا أصدقاء وجيران وقريبيين جدا من بعض وكانوا فاهمين بعض كويس جدا وكان الفنان فؤاد المهندس يقول إن مدبولى هو اللى عارف مفاتيحى كما أن والدى كان قريبا جدا مع أحفادى.
تم أضافة تعليقك سوف يظهر بعد المراجعة