كتب الموزع كريم عبد الوهاب عبر حسابه بموقع فيس بوك، كواليس علاقته بالفنان حمزة نمرة، حيث كتب "حمزة نمرة مشروع فني أنا شغال عليه أنا وهو من ـكتر من 8 سنين وياما شفنا إحباطات ونجاحات وذكريات حلوة ومرة وناس افترت علينا وحروب وناس وقفت معانا وحاجات كتير بيني وبينه ده غير علاقة الأخوة اللي بيننا".
كريم عبد الوهاب
وتابع كريم عبد الوهاب: "حمزة نمرة بالنسبالي مش فنان بوزعله وخلاص.. إحنا نقاشنا بس قبل قرار البداية في أي ألبوم ممكن ياخد أكتر من ٣ شهور (نقاش فقط) متخيلين..؟ ده غير أنه هو في الأساس غير أنه ملحن هو موزع و مهندس صوت شاطر قوي كمان فالنقاش التقني بيننا بحر ملوش نهاية."
وأشار كريم عبد الوهاب: "أنا الحمد لله النجاح اللي أنا شايفه وربنا يكرمنا و يزيد نجاحاتنا جميعًا بجد سافينا التراب عشان نوصله كلنا بصراحة بس اللي بينسيك التعب ده كله تقدير الناس كلها من صناع و جمهور، شكراً يا حمزة أنك وثقت فيا أني أكون ضلع أساسي في مثلث نجاحك بالمشورة و التخطيط و الشغل و مش هنسي طبعاً الشريك الذهبي الشاعر الكبير محمود فاروق".
