قال المصارع المصرى عبد اللطيف منيع الحاصل على برونزية العالم في المصارعة الرومانية وتأهله لأولمبياد باريس 2024، إن شاء الله نقدر نحقق بطولة في الأولمبياد أهم من ميدالية بطولة العالم.
وأضاف خلال مداخلة ببرنامج من مصر مع الإعلامى عمرو خليل : مفيش حاجة سهلة وفى المتناول في بطولات العالم وكلما كنت بطل عالم أو مستوى أولمبي بيبقى في حاجة اسمها دراسات العالم وكل لاعب بيدرس اللاعب المنافس قبل المواجهة وكل واحد بيبقى عارف كيف سيتمرن قبل المواجهة .
وتابع: حصلنا عل معسكر تدريبى لمدة شهر ونصف الشهر وهى أكبر مدة حصلنا عليها معسكرات وكان مدة كبير وفرقت معانا ولكن فعليا كإعداد أولمبى الناس بتاخد 4 سنوات إعداد ولكن على حسب إمكانياتنا نحن خير أجناد الأرض وبنقدر نكسر الدنيا من أقل شغل، والالتزام هو سبب النجاح .
وأكد أنه ما زال يعالج من إصابة أصيب بها في أولمبياد طوكيو وأكمل البرنامج العلاجى والحمد لله بتحسن ولم يستطع اللحاق بأولمبياد المجر وان اللعب باسم مصر يجعل الانسان لابد أن يكون على قدر المسئولية، مؤكدا انه يحلم بتحقيق ميدالية في الاولمبياد وان الإصابة ليست خطيرة لتعوقه عن الاولمبياد.
وأكمل: ان هناك اهتمام كبير بنا وهناك تقدم كبير في الاهتمام والميدالية الأولمبية هي إمكانيات دولة مفيش شخص يقدر على اعدادها لابد من دعم الدولة، احنا لعبة ليس لها جمهور ونحن نمثل الجمهور المصرى عندنا مشاكل لا نظهرها في العلن وما زلنا نحافظ على المصارعة المصرية ولا نريد تصدير اى مشهد سلبى للناس ، والتحسن افضل من السلبيات ماكانش عندنا رواتب دلوقتى بقى في رواتب من الوزارة وان شاء الله قريب هيكون في تأمينات.
