أكد الفنان عزوز عادل عضو تنسيقية شباب الاحزاب والسياسيين، أن لجنة الثقافة والهوية الوطنية، ناقشت خلال جلسات الحوار الوطني، التحديات والمعوقات التي تواجه الدراما المصرية والسينما والصناعات الثقافية بشكل عام.
وأضاف الفنان عزوز عادل قائلا: "الصناعة الثقافية مش بس معتمدة على المؤسسات الثقافية او مؤسسات الدولة، لأ هي معتمدة كمان على الصناع نفسهم بتوع الدراما، وكان من ضمن المقترحات او التوصيات اللي قلتها، في الجلسة، فكرة ان يبقى موجود شباك واحد، لعمل التصاريح، مش انا كا منتج أروح كذا مكان عشان اعمل تصاريح، لا اروح مكان واحد، أطلع منه تصريح اعرف منه ايه الاجراءات اللي انا المفروض اعملها، والفكرة دي هاتسهل كتير جدا على الصناع.".
وتابع الفنان عزوز عادل قائلا: "الحاجة التانية اللي اتكلمت فيها، هي انتاج اعمال تاريخية من خلال مؤسسات الدولة، لان في الاخر الاعمال دي بتحافظ على هويتنا المصرية، والدولة هي الوحيدة اللي هاتقدر تدعم ده بشكل كبير جدا، لان الاعمال التاريخية مهمة".
واستطرد الفنان عزوز عادل قائلا: "اتكلمت كمان في نقطة تانية ان يتم عمل منصة للأطفال، يتم من خلالها مشاركتهم بفكر الهوية المصرية عشان نبث الأفكار في عقول اطفالنا ما يبقاش بتجيلهم من أماكن تانية أو من مواقع التواصل الاجتماعي أو من منصات مغايرة."
وأشار الفنان عزوز عادل إلى أن فكل هذه التوصيات تم تسجيلها، ورفعها للتنفيذ وبالفعل تم العمل عليها وتم تخفيض الضرائب.
