رنا رئيس عن حصولها على بطولة "انترفيو": "اتخضيت وفي أبطال كتير معايا"

علقت الفنانة رنا رئيس، على حصولها على دور البطولة في مسلسل "انترفيو"، وقالت: "أكيد اتخضيت، بس في أبطال كتير موجودين في المسلسل".

وأضافت خلال لقائها مع الإعلامية إسعاد يونس، ببرنامج "صاحبة السعادة" الذي يذاع على قناة "dmc": "فهمت المسلسل، وأكتر حاجة حبيتها، أن في ناس وشباب كتير في العمل، وفي أكتر من شخصية".

وتعليقا عن دورها في المسلسل: "المفروض أنها بتشتغل محللة بيانات، وكانت شغلانة جديدة على أذني، لكن فهمت أنها لازم تبقى فاهمة الناس ودارساهم، عبقرينو يعني".

وتابعت: "هي شخصية قوية وذكية، هتروح تقدم على انترفيو في شركة، وهما عاملين أبليكشن تعارف، بيقدر يعرف أكتر شخصية لايقة عليكي بنسبة تعدي الـ 92%، وبنكتشف بلادي بتتعمل بالعلومات اللي بيلموها عن الناس".

وقالت: "المسلسل لازم تشوفيه كله ورا بعض، عشان متنسيش التفاصيل اللي حصلت في الحلقة اللي قبلها، هما مش 3 شخصيات، لكن هي بتعيش داخل كل قصة، وبتعتبر نفسها الشخص بطل القصة الحقيقي، وده أمر كان ملغبطني في البداية".