قال إكرام صبحي، مدير مركز ويصا واصف، إن رمسيس ويصا واصف، اتجه إلى مجتمع لا يوجد فيه ثقافة النسيج، مشيرا إلى أن هناك مناطق في مصر مشهورة بثقافة النسيج وصناعته مثل العريش والعديد من المناطق.
وأضاف خلال لقائه مع الإعلامية منى الشاذلي، ببرنامج "معكم" الذي يذاع على قناة "on": "اختار مجتمع زراعي يبدأ فيه، عشان أي حاجة الأولاد والبنات يكتسبوها، تبقى نابعة منهم هما، مش من الطاقة المجتمعية اللي موجودين فيها، وده كان سبب اختياره الحرانية".
وقال: "الطفل بيعبر ببساطة شديدة عن اللي موجود قصاده، ورمسيس أعطى للطفل مطلق الحرية أنه ينفذ اللي في خياله مباشرة على النول، بمعنى أنه اللوحات كانت بتيجي من الخيال مباشرة، وده اللي كان بيخليها قطعة منفردة بتتعمل من خيال النساج".
وتابع: "علمهم مبادئ النسج، آلية صناعة النسيج والحرفة، وأعطاهم المكان والخامات وقالهم خلوني أشوف هتعملوا ايه، فبنلاقي الأطفال بتبدع".
وقال: "في متاحف كبيرة حول العالم فيها قطع كتير من أعمال أبناء مركز ويصا واصف".
