استعرض منتصر العطار، مؤسس شركة "egike"، تفاصيل مشروعه، حيث طلب الحصول على 5 مليون جنيه، مقابل 10% من قيمة الشركة.
وقال العطار، خلال برنامج "شارك تانك" الذي يذاع على قناة "cbc": "ناس كتير بتعاني من مشاكل النقل حاليا، بسبب زحمة الطرق، والبحث المرهق لركنة العربية، ولما درسنا الموضوع، لاقينا أن 70% من مشاوير أي شخص بتكون أقل من 10 كيلومتر".
وأضاف: "فكرنا وقتها أننا نكون أول شركة مصرية في تصميم وتصنيع وسائل نقل تكنولوجية حديثة صديقة للبيئة، وبعد صعوبات كبيرة، قدرنا ننجح في إنتاج أول منتج لينا، أول دراجة كهربائية اللي بتوفر نمط حياة رياضي وصحي، ووسيلة ممتعة في المشاوير القصيرة".
وتابع: "اللي بيميزنا اننا بنصمم دراجتنا بشكل يتناسب مع احتياجات السوق المصري، وبنطبق الذكاء الاصطناعي في تكنولوجيا البطاريات بتاعتنا، وده بيدينا ميزة تنافسية كبيرة جدا، والعميل بيقدر يفك البطارية ويشحنا في 4 ساعات بس، وبتقدر تمشيني لحد 60 كيلو، بسرعة بتوصل لحد 45 كيلو في الساعة".
وقال: "الدراجات عندنا مصنوعة من أجود خامات الألومنيوم، بجودة عالمية، وتكلفة المشي 60 كيلو متر بالعربية بتكلفني 65 جنيه، ولو همشي مسافة بموتوسيكل عادي بتكلفني 30 جنيه بنزين، انما في دراجتنا، بتكلفني 80 قرش".
وأضاف: "حجم السوق 17 مليار دولار، احنا بنستهدف يكون لينا فيهم 100 مليون دولار، وقدرنا في أول سنة نحقق مبيعات بقيمة 2 مليون جنيه، عن طريق ثقة أكتر من 50 عميل".
تم أضافة تعليقك سوف يظهر بعد المراجعة