استعرضت آية صابر، مؤسسة شركة "carpetivity"، تفاصيل مشروعها، حيث طلبت الحصول على 2 مليون جنيه، مقابل الحصول على 20% من الشركة.
وقالت آية، خلال برنامج "شارك تانك" الذي يذاع على قناة "cbc": "أنا اشتغلت في مجال التسويق بقالي 10 سنين، واشتغلت على براندات كتير، وواجهت مشكلة وأنا بفرش غرفة أولادي، أن مكنش في سجاد مناسب للأطفال، رغم أن سوق السجاد في مصر سوق كبير وبيكبر، ومن هنا فكرنا في carpetivity ".
وقالت: "سجاد الأطفال في البيت، مينفعش يتعامل نفس معاملة السجاد العادي، والأطفال بعد الـ 6 شهور، بيقعوا كتير، ولما بيكبروا شوية، بتكون السجادة دي مكان بيلعبوا فيه ولازم تكون مناسبة لاحتياجتهم وفي الوقت نفسه أن أولياء الأمور ميكونوش قلقانين عليهم".
وتابعت: "كان مهم بالنسبة لنا أننا نستخدم خامات طبيعية، واختارنا استخدام القطن والصوف الطبيعي، وفي نفس الوقت تكون بسعر مناسب، وحاليا بنستخدم صوف محلي معالج، وقطن معاد تدويره".
وقاالت: "وصلنا لسعر سجادة بسعر مناسب، وعندنا أكتر من 30 تصميم بنقدمهم لعملائنا، واحنا دلوقتي بنصنع سجادنا في مصنع بالعاشر من رمضان، وبندرب نساجين من جيل جديد من مدارس فنية، وبننتج 200 متر في الشهر، وخلال 6 أشهر، بعنا بقيمة مليون جنيه، وعندنا منتج نقدر ننافس به عالميا".
ووافقت آية على عرض مقدم من دينا غبور، قيمته 2 مليون جنيه، مقابل 35% من قيمة الشركة، وتخفض إلى 30% حال تحقيق الأهداف المتفق عليها.
تم أضافة تعليقك سوف يظهر بعد المراجعة