موريس ينهار من البكاء في "كاستنج" أثناء الحديث عن والدته: "كانت بتحارب السرطان"

دخل المتسابق، موريس مودي، أحد المشاركين في برنامج "كاستنج" أثناء أحد التمرينات التي يطبقها عليهم المخرج عمرو سلامة، والمتعلقة بالارتجال والحديث والحكي.

وقال موريس أثناء البرنامج الذي يذاع على قناة "dmc": "الجاكت ده ماما كانت لابساه وأنا صغير، فاكر لما حكيت لها في المطبخ لما كانت لابسة الجاكت، وأنا بحكيلها عن أول بنت حبيتها".

وأضاف: "فاكر كلمة ماما اللي صدمتني، لما قالت لي الأمورة دي هتحب القرد ده، فاكر برضه آخر مرة شوفتها فيها وهي لابسة الجاكت ده، ماما كانت خطيرة، كانت بطلة، جالها كنسر من 5 سنين، فاكر لما كانت لابساه ونازلة وأنا بتخانق معها وهي تعبانة، وأنا مكنتش بحب اشوفها تعبانة".

وتابع: "قولتلها مش هجيبلك إسعاف، انتي هتنزلي بنفسك، وأنا هشوفك تاني، وضحكت عليا ومشوفتهاش تاني بعدها".

ومن جانبه علق المخرج عمرو سلامة على حكي موريس، وقال: "اللي حصل مع موريس من لحظات السحر في الشغلانة، انه يوصل لأعلى درجة من الصدق، وموريس شارك معانا أكتر حاجة مؤلمة بالنسبة له، وظهرت لحظة سحر حقيقية".