"الفارس للتنمية الزراعية" تعرض مشروعا عن الاستنساخ الزراعى لـ"شارك تانك"

استعرض عصام شعبان مؤسس شركة "الفارس للتنمية الزراعية"، تفاصيل المشروع، حيث طلب 5 مليون جنيه مقابل 15% من قيمة الشركة.

وقال خلال مشاركته ببرنامج "شارك تانك" الذي يذاع على قناة "cbc": "احنا مرتبطين بمواسم زراعية معينة، وبيكون مطلوب مننا اننا نوفر شتلات مطابقة للمواصفات وخالية من الأمراض وبكميات كبيرة في وقت قليل، ومفيش حاجة هتقدر توفر لنا المميزات دي إلا تكنولوجيا الاستنساخ".

وأضاف: "وعلشان منوصلش لمرحلة الاستنساخ، ممكن نزرع بالبذور، وببساطة البذور بتبقى ميكس بين صفات الأب والأم، واحنا عندنا أصناف بتبقى محتاجة صفات معينة موجودة في الأم بس أو الأب بس، ودي حاجة مش بنقدر نوفرها إلا بالاستنساخ".

وتابع: "احنا قدرنا ننتج 3000 نبات من مساحة 1 متر مربع، وقدرنا نوصل طاقتنا الإنتاجية لـ 200 ألف نبات، في مساحة 67 متر مربع، واحنا بدأنا في 2020، وقدرنا في 2024 اننا نحقق إيرادات 3 مليون و800 ألف، بمجمل ربح مليون و900 ألف".