شيماء سيف تعليقا على فقدان وزنها: "كأني كنت شايلة شنط وسبتها".. حاليا بعرف أمشي

علقت الفنانة شيماء سيف، على فقدان عدة كيلوجرامات من وزنها، مؤكدة أنه إحساس أفضل بكثير عما كانت عليه في بداية ظهورها.

وقالت خلال لقائها مع الإعلامية إسعاد يونس، ببرنامج "صاحبة السعادة" الذي يذاع على قناة "dmc": "كنت إنسانة، كأنها كانت شايلة شنط وسبتها، أنا حاليا بعرف أمشي".

وأضافت: "كنت دايما بقول للناس، انا إنسانة أنا خفيفة أنا بعرف أرقص أنا بعرف أعمل، طلع ده كله كلام، يمكن عشان أنا مكنتش في يوم من الأيام ست رفيعة، فمجربت الإحساس ده ولما خسيت فهمت".

وتابعت: "حصلي موقف وأنا بعمل عمرة في رمضان، وكان معايا زوجي وصاحبنا سيف وأستاذة يسرا، كنا مجموعة وأنا مبعرفش أكمل العمرة، كنت بتعب، وفي رمضان الدنيا زحمة وأنا لابسة النقاب ومحدش يعرف أنا مين".

وقالت: "زوجي راح لواحد عشان يتفق معاه، عشان يجي يزوقني في الطواف، الراجل جه، وهو جاي قال يا أبوي وجري، وأنا بقيت أضحك على نفسي وكلنا بقينا نضحك، وفي الأخر زوجي هو اللي زقني".