ينشر "اليوم السابع"، أقوال نجل التربى المتهم الخامس فى واقعة إيهام اللاعب مؤمن زكريا بالعثور على أعمال سحر خاصة به، أمام مدفن بمنطقة الخليفة.
وإلى نص أقوال مؤمن زكريا في التحقيقات..
س: ما قولك فيما هو منسوب اليك انك متهم واخرين باذاعة اخبار واشاعات كاذبة عمدا بقصد تكدير الامن العام والقاء الرعب بين الناس والحاق الضرر بالمصلحة العامة على النحو المبين بالاوراق؟
ج: محصلش
س: ما الذى حدث غذا وما هى ظروف ضبطك وعرضك علينا؟
ج: اللى حل انه انا كنت نايم فى البيت فوق ولاقيت اخويا الصغير بيصحينى من النوم وبيقولى ان مؤمن زكريا تحت ومعاه اثنين من شيوخ وبيقول انه معموله عمل ولما نزلت تحت لاقيت انهم كانوا ماسكين عروسة لعبة والشيوخ كانت عماله تقرا قران وترش مياه بملح وبعدها قعدوا حوال نص ساعة ومشيوا هما كلهم وانا طلعت فوق تانى وتانى يوم روحت الشغل عادى فى المقطم ولما روحت البيت لاقيت ابويا اتقبض عليه فروحت قعدت عند خالتى فى المقطم ولما عرفت انهم قبضوا على ابويا واهلى ووانا كنت نازل عند البيت لاقيت ضابط ومعاه ثلاثة امناء شرطة وقفونى وسالونى عن موضوع مؤمن زكريا وانا قلتله انا معملتش حاجة وحكيتله كل اللى حصل وبعد كده راح اخدنى وركبنى ميكروباص وطلعنا على قسم الخليفة وفى القسم كلعت وحدة المباحث وفضلت قاعد فى المباحث لحد النهاردة .
