قال المخرج عادل أديب، إن من تولى تربية أبنائه وتحمل مسئوليتهم مسئولية كاملة، هي زوجته الفنانة منال سلامة، وعبر قائلا: "أنا كنت زي ضيف، هي اللي شالت الهم كله".
وأضاف خلال لقائها مع الإعلامية إسعاد يونس، ببرنامج "صاحبة السعادة" الذي يذاع على قناة "dmc": "هي بصراحة مربياني معاهم، كانت شايلة همنا كلنا، أنا بدأت أفهم أولادي لما كبروا".
وقال : "إحساسي أن أنا مش موجود، كان مخليني دايما عندي إحساس أني مشتاق لأولادي وكنت محتاج ليهم، ولما كنت برجع البيت منال كانت بتقعد جنبي وتحكيلي كل حاجة، كانت بتخزن طول اليوم وتحكيلي لما أجي".
وتابع: "هي بصراحة ربنا يكرمها قدرت تحافظ عليهم وتحط فيهم مثل مهمة أوي، ولحد النهاردة هي بتلعب دور الأم بشراسة، لأن العالم بقى صعب، واللي بنشوفه في العالم بقى صعب، والخوف بقى زيادة".
