استعرض مينا زكي، مؤسس وصاحب شركة "halite Egypt"، تفاصيل مشروعه، حيث طلب 75 مليون جنيه مقابل 25% من قيمة الشركة، وسيكون العائد على هذا الاستثمار 875 مليون جنيه خلال 3 سنوات.
وقال خلال مشاركته ببرنامج "شارك تانك" الذي يذاع على قناة "cbc": "مصر مليانة بثروات كبيرة جدا غير مستغلة، وواحد من الثروات دي هو الملح، وعندنا في سيوة أكتر من 5 آلاف فدان فيهم ملح صخري من الطبيعة جاهزين للتصدير خارج مصر".
وأضاف: "في شركتنا بنصدر الملح ده لأمريكا وكندا وغرب أوروبا وتركيا والصين للصناعات المختلفة والملح أحد المكونات الرئيسية لصناعة الصودا في الصين، وهو المكون الرئيس لصناعة النسيج في تركيا، ويستخدم لإذابة الجليد في الولايات المتحدة وكندا".
وتابع: "الصناعة دي مش واخدة حقها خالص عندنا، وعدد الأطنان اللي بيتم تصديرها مقارنة بعد الأطنان المتاحة للتصدير لا يتجاوز الـ 1%، ومحتاجين الشاركس معانا لأننا محتاجين وجود مكاتب إقليمية للدول اللي بنستهدف نصدرلها، بمناديب موجودة على الأرض تقابل الناس دي هناك".
وقال: "متوسط الأوردرات لأي عميل في تركيا أو الصين، بيكون من مليون لـ مليون ونصف طن في السنة، يعني انت بتكسب في الطن الواحد في المتوسط 5 دولار".
