حاول متسابقو برنامج كاستنج، الصلح بين المخرج عمرو سلامة، ومروة جبريل مدربة التمثيل، بعدما نشب خلاف بينهما على بسبب استبعاد المتسابقة "شروق" من البرنامج في الحلقة الماضية وخروجها من السباق.
وقالت المتسابقة أمينة باهي، خلال برنامج "كاستنج" الذي يذاع على قناة "dmc": "من ساعة ما جينا واحنا بنشوف ان حضراتكم في اتحاد مع بعض، أستاذ عمرو وأستاذة مروة وأستاذ مجدي، واحنا كنا في الأول مفككين، وكنا كل ما نشوف حضراتكم في اتحاد كان ده بيقوينا، واللي حصل امبارح خلانا نتهز".
ومن جانبها قالت المتسابقة سلمى عبد الكريم: "كلنا عمالين نفكر وحاسين بالذنب، ونتمنى منشوفش حاجة زي دي تحصل بسببنا".
وقال المتسابق: "أنا من ساعة ما جيت البرنامج محستش بالتوتر بالشكل ده زي ما حسيت بالتوتر امبارح، اكتر لحظة في حياتي حسيت بتوتر كان امبارح، ويمكن أنا عندي شوية برود في المشاعر بس اللي حصل وترني".
