جورى بكر: الناس نسيت اسمى الحقيقى وبتنادينى بـ"وداد"

كشفت الفنانة جورى بكر، "أن الناس حتى الآن ينادون عليها في الشارع باسم وداد ، ونسوا اسمى الحقيقى حتى اللى بيتصوروا معايا في الشارع".

وأضافت خلال لقائها ببرنامج الستات ما يعرفوش يكدبوا: "المقربين بيقروا التعليقات اللى بتتكتب على الدور وهى فعلا تعليقات سخيفة جدا والشخصية تعبتنى كثير جدا، وكنت بروح البيت تعبانة نفسيا لأنى كنت بجمع كل قواى علشان أعيط في المشهد وتعبت كثير جدا".

وتابعت: "لو شفت جعفر العمدة مرة تانية بعيط وخاصة مشهد الحلقة الأخيرة والمشهد طلع حقيقى جدا وبشكر المخرج محمد سامى جدا على المجهود الكبير جدا الذى بله معنا".

وكشفت أنها تتمنى أن تقوم بدور بنت صعيدية أو واحدة شعبية وشقيانة، وعاوزة أعمل دور مظلومة لكن الكل شايف إنى ما ينفعش أعمل دور واحدة الدنيا جاية عليها".

وعن ابنها.. أكدت أنها دائما ما تأخذه معها في التصوير، ولا تستطيع أن تبتعد عنه 3 أو 4 ساعات، مشيرة إلى أن المسئولية عن طفل إلى جانب العمل هو تحدى كبير، قائلة: ولو حسيت إن شغلى هييجى على حساب ابنى هحط الشغل على جنب لكن بحاول الموازنة بين الاتنين".