استعرض أنتوني عياد، صاحب مشروع "outdated"، تفاصيل الشركة، التي يسعى أن تتوسع داخل مصر وخارجها، حيث طلب 500 ألف مقابل 5% حصة من الشركة.
وقال خلال مشاركته في برنامج "شارك تانك" الذي يذاع على قناة "cbc": "حلمنا أكبر بكتير من الانتشار داخل مصر، قدرنا نحقق مبيعات بقيمة 13 مليون جنيه في أقل من 3 شهور، بنسبة أرباح تخطت الـ 6%".
وأضاف: "الملابس عمرها ما كانت موضة وهتنتهي طول عمرها موجودة ومكملة، وقدرنا ننزل السوق أكتر من 35 منتج بأكتر من 19 لون وأصبح عندنا قائمة فيها أكتر من 50 منتج جديد، نقدر نطرحهم في السوق أي وقت".
وتابع: "فريقنا أكتر من 15 فرد متخصصين في جميع المجالات، دعايا وإعلان جودة وخدمة عملاء وتخزين وحسابات، وكان عندما مصادر تخلينا نبدأ بقوة، وبنعمل إعلانات بتخلينا نوصل لأسامي كبيرة".
وقال: "كل اللي بنعمله عادي، لكن أنا جاي انهاردة عشان أعمل اللي مش عادي، الشركات الكبيرة لما بتتحد مع بعض بتعمل حاجة عالمية".
