أكد الدكتور مجدي نزيه، استشاري التثقيف والإعلام الغذائي، أن المخللات والفسيخ والملوحة هي أغذية بروبيوتك رائعة إذا تم إعدادها بشكل صحيح، مشيرا إلى أن البكتيريا الضارة تموت عند مستوى أعلى من 2% ملح والبكتيريا النافعة تحتمل حتى 15%.
وأضاف مجدي نزيه، خلال لقاء ببرنامج "السفيرة عزيزة"، المذاع على قناة دي ام سي، أنه يتم وضع نسبة ملح فقط تصل إلى 3 أو 4% على المخلل، مضيفا: "لازم ننقي الخضار الصح اللي هو الخيار أو الزيتون أو الجزر أو القرنبيط وندوب الملح في الميه وبعدين نرص الخضروات بعد تنظيفها كويس ونصب عليه مياه متكنش سخنة وأخلى كل الخضار غاطس في الميه وممكن رشة زيت صغيرة على الوش ويتخزن في الصيف 4 أو 5 أيام على ما ينضج".
وبالنسبة لطريقة عمل الفسيخ والملوحة الصحيحة قال: "دي أكلة من 5 آلاف سنة وكانت بتتعمل مظبوطة وبتحط كمية ملح من 5 إلى 6% من وزن السمك ويتغسل كويس ويتجاب ملح خشن ويتعلق من 5 إلى 6 ساعات وميتعلقش في الشمس عشان البكتيريا النافعة ويتملي الفم والخياشيم بالملح ويتقفل عليها كويس بالنايلون وتتساب 20 يوما".
