روى المخرج طارق العريان بعض من كواليس فيلم "تيتو" للفنان أحمد السقا، قائلا:" أحمد السقا نط فى النيل 3 مرات، وفى النطة التانية قالى إيه رأيك فى النطة دى؟ قولتله فى ملابس تانى ليك علشان تنط المرة التالتة، وفعلا نطها، وفى نطة من على السرير وهو بيضرب نار صمم ينطها بنفسه.
وأضاف طارق العريان، خلال استضافته ببرنامج "صاحبة السعادة" الذى تقدمه الفنانة والإعلامية إسعاد يونس، على قناة dmc، أن الفنان خالد صالح مبهر، والفيلم أخد وقت فى التصوير، لأنه صعب واتصرف عليه.
تابع طارق العريان:"فكرة طفل الشوارع اللى أداها أحمد السقا فى فيلم "تيتو" شفناها فى الواقع لطفل كان فى الشارع فمن هنا جاءت الفكرة، وقلنا هل ممكن طفل شوارع يندمج مع الناس دى فى الفيلم ويقبلوه؟".
