علق الفنان شريف منير، على واقعة أزمة ابنته "أسما" مع جمهور السوشيال ميديا بعد حلاقة شعرها، قائلا: "صحبتى وبتخانق معاها طول الوقت زى ناقر ونقير، وبخاف عليها وبختلف معاها فى حاجات، وبزعل لما السوشيال ميديا يهاجمها، خاصة لما حلقت شعرها، وقلت لها شكلك حلو، وهى كان عندها مشاكل فى شعرها وكان لازم تقصه".
وأضاف شريف منير، خلال استضافته وفريق نوستالجيا باند لأول مرة، مع الإعلامية والفنانة إسعاد يونس، مقدمة برنامج "صاحبة السعادة"، اليوم الاثنين، على شاشة dmc، الناس مش عارفة ظروف بنتى إيه، متسائلا: انتوا ليه بتخبطوا فيها؟! ما يمكن عندها مشكلة صحية فى شعرها.
تابع شريف منير، قلت لـ"أسما" مكنش له لازمة إنك تظهرى شعرك كده قدام الكاميرا، مؤكدا، "أنا فى كل الحالات هقف فى ظهرها طول الوقت وهتلقى الخبطات، وكل بناتى بردو هقف معاهم، وبعمل اسم علشانهم، واللى بيهاجم لو حط نفسه مكانها مش هيقبل بده".
وأوضح شريف منير أنه لن يقبل أن يكون مع بناته كعادل إمام فى فيلم "عريس من جهة أمنية"، وبديهم جرعات مناسبة وبطبطب عليهم من غير سبب وببوس إيديهم ورجليهم لما بيصحوا من النوم، وابنى زى الممثل الأمريكى "فان ديزل".
