قال الفنان شريف منير، بحب "أحمد الحجار" كمغنٍ وملحن وهو من الناس اللى بيلمسوا مشاعرى، وعمار الشريعى بردو خاصة "تتر أم كلثوم" اللى قدموا كان عفريت وعبقرى، وتعلمت منه كتير ولعبت فى فرقته وعشت معاه.
وأضاف شريف منير، خلال استضافته وفريق نوستالجيا باند لأول مرة، مع الإعلامية والفنانة إسعاد يونس، مقدمة برنامج "صاحبة السعادة"، اليوم الاثنين، على شاشة dmc، بحضّر مسرحية "مليونيرات" مع مدحت صالح، وطموحاتى أعزف حاجات وطنية فى الفرقة بتوزيع جديد.
ولفت شريف منير إلى أن صلاح جاهين نصحنى بمشاهدة السينما بكثرة، واتعلمت منه الطيبة والكرم، وصرف عليا ومحدش شاف اللى انا شفته وانا معاه.. وخلال الحلقة غنت ماريز "حبيبي يا عاشق".
