طرح الشاعر إسلام خليل أغنية جديدة بعنوان "لسه فاكرك" إهداءّ لصديق عمره الفنان الراحل شعبان عبد الرحيم فى ذكرى وفاته، التى تتزامن مع اليوم الثلاثاء 3 ديسمبر، حيث كتب إسلام خليل الأغنية بكل مشاعره وذكرياته مع صديقه الذى قدما سوياً العديد من الأغانى الناجحة والهامة فى مشورهما.
ونشر إسلام خليل على حسابه بموقع التواصل الاجتماعى فيس بوك مجموعة من الصور التى جمعته بصديقه الراحل شعبان عبد الرحيم معلقا: "ذكرى وفاة مع من قضيت معه سنين طويلة جميل كلها محبة ومودة ونجاح وسعادة ونقاء قلوب، أحبنى وأحببته وتألقنا سويا بأعمال وطنية كثيرة وأخرى خفيفة كثيرة ستظل مسموعة ومعروفة للأجيال، رحم الله من كان لى بمثابة أب وأخ وحبيب وصديق الرجل البسيط، حبيبى شعبان عبد الرحيم".
وتقول كلمات أغنية لسه فاكرك..
لسه فاكرك لسه عايش جوا قلبى وفى خيالى
لسه صورتك جنب منى
لسه صوتك برده عالى
يا احلى دنيا انا عيشتها
وايامى مجاش تانى زيها
يا حلم عمرى اللى انتهى بعدك يا غالى
اجمل ما كان ليا في دنيتى
صوتى اللى وصل كلمتى
ونور منور سكتى وسط الليالى
مفيش كلام عندى اقولهولك
بعد ما توهنا في وسط الزحمة
كل اللى اقدر اوصلهولك دعوى بالمغفرة والرحمة
يا أحلى دنيا انا عيشتها
وأيامى مجاش تانى زيها
يا حلم عمرى اللى انتهى بعدك يا غالى
اجمل ما كان ليا في دنيتى
صوتى اللى وصل كلمتى
ونور منور سكتى وسط الليالى
تم أضافة تعليقك سوف يظهر بعد المراجعة