استضافت الفنانة والإعلامية إسعاد يونس، مقدمة برنامج "صاحبة السعادة" المطربة حنين الشاطر في سهرة كلها طرب وجمال على قناة dmc.
وقالت حنين الشاطر:"2024 كانت جميلة وحققت فيها إنجازات، وأسرتى هى 5 بنات أشقاء وانا البنت الصغرى، وبغنى وانا عمرى 4 سنوات، ووالدى كان حاسس وعارف إن صوتى جميل وتبنى موهبتى، لانه كان زمان بيغنى وكان نفسه يكون مطرب كبير لأنه كان بيغنى فى حفلات".
وأضافت حنين الشاطر:"والدى كان بيدربنى ويحفظنى أغانى وبيحاول يسعى بكل مجهوده علشان اللى محققهوش يحققه فيا، وقدمت حفلات كتيرة فى الأوبرا وتنقلت مع والدى فى عدة حفلات، وأول حاجة غنيتها "يا مجنون مش انا ليلى"، ..وخلال الحلقة طلبت إسعاد يونس من حنين غناء "يا مجنون مش انا ليلى".
تابعت حنين الشاطر:" غنيت كتير قدام الراحل الملحن الكبير حلمى بكر الله يرحمه".
