أنا خريج كلية تجارة وباشتغل بائع لحمة رأس وفواكه اللحوم، علشان الشغل مش عيب، ومهنة الجزارة وراثة أبا عن جد، هكذا بدأ أحمد يروى تفاصيل حكايته عن مهنة بائع لحمة الرأس.
وقال أحمد محمد لـ "اليوم السابع"، أنا شغال في لحمة الراس من 14سنة، كنت بقف في محلات الجزارة، وبروح المدبح، وكنت أخلص المدرسة، وأقف أبيع، وأساعد والدي في كل حاجة، وتعلمت منه المهنة .
وأضاف أحمد، عندما انتهيت من دراستي في الكلية، قررت أعمل مشروع خاص بي، وعملت عربية صغيرة أبيع عليها اللحمة والكوارع، وأشوف الزبائن طلباتهم أيه وأعملها".
وأوضح أحمد، والدي علمنا الأمانة في الشغل، وأصر علي أننا نكمل تعليمنا في الجامعة، وبالفعل التحقت بكلية التجارة، وبعد ما خلصت دراستى قررت أشتغل في مهنة والدي، ووقفت أبيع علي العربية ممبار ولحمة راس وكوارع وطواجن بأنواعها، والناس كلها بتشجعني وتدعمني.
وبنصح كل شاب حتي لو خريج جامعة يشتغل ويحقق حلمه في أي مهنة يكون بيحبها، ما يقولش أنا معايا مؤهل عالي، وما يتكبرش علي الشغل".
