" أنا طالب بدرس فى المدرسة وبشتغل بائع كسكسى وبليلة علشان الشغل مش عيب ودى مهنة أبويا يعنى مهنة وراثة أبا عن جد" هكذا بدأ محمد يروى تفاصيل حكايته عن مهنة بائع الكسكسي.
وقال محمد أحمد لـ"اليوم السابع": "أنا شغال من وأنا طفل عشان دى مهنة والدى بأخلص المدرسة وأقف أبيع معاه كسكسى وبليلة وأساعده فى كل حاجة واتعلمت منه المهنة وأشوف الزبائن طلباتهم أيه وأعملها".
وأضاف محمد: "والدى علمنا الأمانة فى الشغل، وأصر أننا نكمل تعليمنا أنا وأشقائى وسأحقق حلم والدى وسوف التحق بالجامعة وبعد ما اخلص دراستى هشتغل فى مهنة والدى والناس كلها بتشجعنى وتدعمنى وبنصح كل شاب حتى لو خريج جامعة يشتغل ويحقق حلمه فى أى مهنة يكون بيحبها ما يقولش أنا معايا مؤهل عالى وما يتكبرش على الشغل".
تم أضافة تعليقك سوف يظهر بعد المراجعة