استضاف برنامج حياة كريمة، شاب مصري يمتلك عربة لبيع الأطعمة، خصص من إنتاجه اليومي قِسما لإطعام الأسر غير المقتدرة.
وقال الشاب خلال لقائه مع أيمن مصطفى، بالبرنامج الذي يذاع على قناة "dmc": "بحاول أساعد الناس، بقدم كريبات وسندوتشات وحواوشي، وجتلنا فكرة أننا نساعد الناس، لو الأب والأم مش قادرين يخرجوا مع أولادهم، بنساعدهم يختاروا الأكل والشرب اللي بيحبوه من المنيو الخاص بالمكان".
وأضاف: "بيقضوا يوم جميل وأيا كانت التكلفة، المكان بيشيلها وبتبقى على حساب المكان، ومفيش تجارة مع الله بتخسر، وأحنا الحمد لله بنتاجر مع ربنا، وأنا كنت بادئ بحاجة صغيرة، والحمد لله كبرنا".
وتابع: "بشكل يومي في ناس بتعدي بتاخد سندوتش أو كوباية شاي أو قهوة، الناس اللي على الله مش بندق معاهم في حاجة، بنحاول في كل مناسبة نعمل حاجة، يعني في المولد النبوي الشريف، استضفنا دار أيتام، كانوا حوالي 12 طفلا، أكلوا وشربوا وحلو، وانبسطوا جدا الحمد لله".
وقال: "اللي بنعملوا ده جبر خواطر، وجبر الخواطر بيبقى على ربنا، يعني ربنا بيوقفلك ولاد الحلال وبكربك، وحتى لو ممعناش بنساعد الناس الحمد لله، وبنشجع الناس أصحاب الأماكن أنها تطلع هامش من ربحها للخير".
وقرر برنامج حياة كريمة، منح مبلغا ماليا لصاحب المشروع، من أجل المشاركة في الخير الذي يقدمه لغير القادرين.
