وليد المغازى: عصام عمر أخويا وكواليس مسلسل مسار إجبارى كلها ضحك وهزار

تحدث الفنان الشاب وليد المغازى عن كواليس تصوير مسلسل مسار إجبارى، وعن شخصيته فى المسلسل وأجواء التصوير وعلاقته بعصام عمر وأحمد داش.

وقال الفنان الشاب وليد المغازى، فى تصريح خاص لـ"اليوم السابع": "أنا وعصام عمر أصحاب من زمان وقريبين،  وممتع أوى بالنسبة ليا إن اشتغل معاه مرة تانية بعد مسلسل بالطو، لأنه مريح فى التعامل، وما كانش فيه مشكلة إن أقول حاجات ونزود كلام فى أى مشهد، وده يبين إن فيه كيميا بيننا وفاهمين بعض وشبه بعض لأنه زى أخويا".

وعن كواليس مسلسل مسار إجبارى قال: "كانوا بدأوا التصوير وأنا دخلت عليهم متأخر، وده بيخلى أى ممثل يشعر بتوتر ولو بسيط، لأن الكل بيبقى عارف بعضه، وبيصوروا كل يوم، فأى حد بيدخل جديد بيبقى قلقان، لكن أحمد داش وعصام عمر والمخرجة نادين خان ما حسسونيش بكده، داش لذيذ جدًا وقعدنا نتكلم ونهزر، وأقولهم إيه رأيكم ممكن نزود حاجة هنا،

وعن كواليس التصوير قال المغازى: كنا فى اللوكيشن أصحاب بنهزر مع بعض، والكواليس بسيطة وجميلة وممتعة، وده كان مساعد إنى أبقى هادي وغير متوتر، ويارب الدور يبقى حلو والجمهور ينبسط منه".

شاهد المزيد من أخبار مسلسلات رمضان 2024 عبر بوابة دراما رمضان

عصام عمر و وليد المغازى

أحمد داش و وليد المغازى 

يعرض مسلسل مسار إجبارى الحلقة 5 بطولة أحمد داش و عصام عمر على قناة CBC فى الساعة السادسة و5 دقائق مساء، وعلى قناة الحياة 11:15 مساء، وعلى قناة ON الساعة 10:30 مساء، وعلى القناة الأولى المصرية 12 منتصف الليل، وذلك ضمن مسلسلات رمضان 2024.

مسلسل مسار إجبارى مكون من 15 حلقة ويعرض ضمن مسلسلات رمضان 2024، بطولة أحمد داش، عصام عمر، صابرين، بسمة، جورى بكر، نور محمود، مى الغيطى، رشدى الشامى، ياسمينا العبد، معاذ نبيل، محسن منصور، جهاد حسام، نورين أبو سعدة، إبراهيم الزيادى، وليد المغازى وعدد آخر من الفنانين، هو سيناريو وحوار أمين جمال، محمد محرز، مينا بباوى وإخراج نادين خان وإنتاج المتحدة للخدمات الإعلامية.