وجهت الفنانة منة فضالى الشكر لكل من اتصل بها أو تواصل معها من أجل الاطمئنان على والدتها التى دخلت المستشفى إثر معاناتها من "سرطان القولون".
منة فضالى قالت عبر صفحتها على موقع التواصل الاجتماعى "فيس بوك": "عاوزه أشكر كل الناس اللى جاتلى المستشفى علشان يتطمنوا على ماما واللى اتصلوا بجد ألف شكر، وفعلا المواقف بتبين الناس فيه ناس ما عرفهاش والله جاتلى واتصلوا وناس كانت قريبة وكنت فاكراهم أصحاب ولا فكروا حتى يسألوا بس معلش".
وأضافت منة فضالى: "حقيقى بشكر من قلبى الرجولة كلها فى عز ما هو مشغول ما سابنيش الرجولة أمير كرارة".
وتابعت: "أنا أمى كان عندها كانسر فى القولون وشلنا 90% من القولون وعملنا تحويل مسار وحوار طويل جدا ولسة مكملين فى المستشفى بس إن شاء الله تتحسن".
كانت الفنانة منة فضالى قد طالبت الجمهور بالدعاء لوالدتها قبل إجرائها عملية جراحية كبيرة، قائلة: "كل الناس عارفة أنا مرتبطة بأمى قد إيه لأن ما ليش غيرها فى الدنيا وهى كمان ما لهاش حد غيرى"
