كشفت الفنانة بسمة بوسيل عن إمكانية العودة لزوجها السابق الفنان تامر حسنى وردت بسمة على سؤال الإعلامية منى عبد الوهاب فى برنامج "ع المسرح" المذاع على قناة الحياة حول أنها تحررت بعد الطلاق وقالت: بعد الطلاق تحررت من حاجات كتيرة كانت عاملة لى ضغوط
وأضافت اللايف استايل بتاع تامر صعب ومتعب ولازم آخد وبالى منه كويس جدا وقالت: كان فى حاجات معينة ماكنتش بقدر أعملها بسبب الضغوط المسئوليات ولأنى كنت مشغولة جدا.
وتابعت "متجوزة إنسان بحجم تامر حسنى مش سهلة.. إنك تكونى متجوزة نجم بالحجم دا بيمثل وبيغنى وبيسافر وحفلات وبيروح ويجى ومسئوليات ولاد ، وردت على سؤال عن حلم الرجوع لتامر حسنى وقالت هو هيتحقق إن شاء الله.
قالت الفنانة بسمة بوسيل، "حققت أحلامى لما جيت مصر، ولقيت فيها حلم حياتى، وشهرة تامر حسنى كانت مستفزة ومخيفة بالنسبالى وكنت بخاف واتهز نفسيا لحد يعمل فيا حاجة، واخترته عشان حبيته وكنت عاوزاه يبقى أبو عيالى وضحيت بالغناء عشانه".
وأضافت بوسيل، خلال حوارها لبرنامج "ع المسرح" تقديم الإعلامية منى عبدالوهاب عبر فضائية "الحياة": انا عصبية وبتأثر بالحاجة أكتر من أى حد، وعشت ضغط نفسى قبل زواجى، وصريحة مبعرفش أنافق، واللى يحصل يحصل".
أكدت بوسيل، "أبوبا فى آخر أيام عمره كان حزين عليا، وكان قريب جدا منى، وقالى نفسى أشوفك مبسوطة، ولو عايش دلوقتى هيشوفنى فى أسعد أيام حياتى، لافتة إلى أن حلم الرجوع لتامر حسنى هيتحقق إن شاء الله.
تم أضافة تعليقك سوف يظهر بعد المراجعة