قدم برنامج "8 الصبح"، الذي تقدمه الإعلامية هبة ماهر، على قناة دي إم سي، فقرة خاصة عن فوائد المياه للجسم مع ارتفاع درجات الحرارة ودخول فصل الصيف، واستضافة اخصائية تغذية قدمت نصائح مهمة لحماية الجسم من الجفاف خلال موسم الصيف.
وأكدت الدكتورة هبه اخصائية التغذية، أن شرب المياه مهم جدا للحماية من الجفاف في الصيف، موضحة ان إحساس العطش هو أول درجة من درجات الجفاف، وقالت: "لو عطشت يبقى دي أول درجة من درجات الجفاف ولو بتشرب من غير عطش يبقى مفيش جفاف ويجب أن نجعل شرب المياه عادة ولا ننتظر العطش مينفعش تفضل تشرب بكميات كبيرة لما تكون عطشان ولكن ترتشف المياه على مرور اليوم".
ووجهت نصيحة لكل منزل به كبار في السن، قائلة: "لو في حد عنده شخص مسن في البيت نقول لهم مراكز العطش في المخ بتبقى مش فعالة قوي ومش بيحسوا بالعطش وعلينا نخليهم يشربوا مياه كتير وبتبقى حركتهم ثقيلة وبيخافوا من شرب المياه الكتير عشان دخول الحمام كتير، ولو حد مش بيحب يشرب ميه يعملها بشرائح ليمون أو نعناع أو يضاف لها أي سوائل شفافة".
