حسام حبيب لـ"ع المسرح": انفصال أبويا وأمى أصعب فترة فى حياتى.. رحت لدكاترة نفسيين كتير.. شغلنا محتاج نوع من التنازلات وبتنازل بما لا يجرح كرامتى.. ويؤكد: جميع ألحانى عملتها بدون أجر "صحوبية" ونفسى أغنى لشيرين

أكد المطرب حسام حبيب، أنه يتمنى إلغاء فترة من حياته تكونت فيها مشاكله وعيوبه وإعادة هذه الفترة بشكل أفضل، قائلا: "لو حياتي مسرحية اقدر ألغي فصل منها أقول ساعات يجيلى وسواس قهري من بداية العشرينات لو هلغي فترة هتكون اللي تكونت فيها مشاكلي وعيوبي".

وأوضح حسام حبيب، خلال حواره ببرنامج "ع المسرح"، مع الإعلامية منى عبد الوهاب، المذاع على قناة الحياة، أن "الفترة التي يحب إلغاءها في حياته هي مشاكل بين أهله أو انفصال والده وولدته"، مضيفا: "الفترة دي أثرت فيا وخلتني دايما عايش في رعب من الانفصال عن أي حاجة بحبها وخوف زيادة وفي الآخر مش بوصل لنتيجة".

وتابع: "بعد الفترة دي فهمت الواقع ومن رحمة ربنا معرفناش أننا منعرفش أمته مثلا لحظة الموت لأنها حاجة صعبة، ولما بغلط بحب العقاب وبكره الكذب وبحب العقاب عشان ضميري بيرتاح وجلد الذات جاب لى كثير من الأمراض النفسية".

وكشف الفنان حسام حبيب، أنه خلال فترة من الفترات في حياته كانت كثير النوم وقيل له من المقربين أنه قد يكون مصاب بالاكتئاب ولكن رفض هذا الشعور، قائلا: "رحت لدكتورة شاطرة عرضت عليا 40 عرض للمرض وقلت لها عندي 40 عرض وعليهم 2 كمان وقلت كويس دي حاجة ممكن تتعالج".

وأشار حسام حبيب، خلال حواره ببرنامج "ع المسرح"، على قناة الحياة، إلى أنه ذهب لكثير من الأطباء النفسيين ولكن كان يذهب بنية عدم العلاج والرغبة في أن يكون ضحية، متابعا: "كنت ديما بحس أني أذكى من الدكتور وببقى رايح مش عشان اتعالج وببقى رايح له عشان احس بإحساس الضحية".

واستكمل: "لما كبرت شوية الدكتور قالي صلي ولما بدأت اصلي مبقتش خايف من لقاء ربنا بل بحبه وعايزه، وأنا عشت مع أمي وعلمتني كتير واتولد عندي نوع من أنواع حب واحترام الست عشان شوفت الست ساعات في مواقف بتبقى بـ100 راجل وهي كانت مرفهة في بيت أهلها ومفيش أي مسئوليات ولما شالت المسئولية كانت وحش بيتحول إلى أب وأم" وكانت حنينة جدا ولكن منظمة".

وأكد المطرب حسام حبيب، أن أكثر شيء يجبره على ارتداء قناع غير شخصيته هو تعرضه لمشكلة كبير أو مرض ولا يستطيع أن يخبر والدته، قائلا: "أكتر حاجة ممكن البس قناع لو لقدر الله عندي مرض أو حاجة وأنا بحكيها لأمي لو عندي مشكلة هتنهار بحس في اللحظة دي أنه واجب عليا البس القناع خوفا عليها".

وأوضح حسام حبيب، خلال حواره ببرنامج "ع المسرح"، مع الإعلامية منى عبد الوهاب، أنه قد يرتدي قناعا مع حبيبته إذا شعر بزيادة حبه وتحول لأمر مبتذل، مضيفا: "مع حبيبتي ممكن البس قناع لو حسيت أنها حست بحبي قوي وأنه بقى أمر مبتذل ممكن البس قناع أني ممكن سيبك عشان احسسها أن مفيش حاجة ديمة ولكن ده مش حقيقي".

وتابع: "أنا خجول ولكن بفكر في كلامي قبل ما اقوله مش تلقائي إلا لو عصبي وقلت شغلنا محتاج نوع من التنازلات ونلبس قناع ولكن أنا بقول مثلا الأغنية مش عجباني لكن هعملها ولو نجحت أو فشلت مسئوليتها على الشخص المسئول وبقيت بتنازل بطريقة تانية مش بطريقة تجرح كرامتي وتقلل مني وده اللي مخليني بطيء قوي في الشغل وبعيد".

وقال الفنان حسام حبيب، إن حلم حياته كان الغناء وليس التلحين وأن جميع الألحان التي قدمها لزملائه كانت بدون أجر، قائلا: "المزيكا مش حكر على حد والألحان اللي عملتها كلها بدون أجر وكانت صحوبية وكنت بسمع أغاني لزمايلي وكان نفسى أغنيها.

ورد حسام حبيب، على سؤال من منى عبد الوهاب ببرنامج "ع المسرح"، المذاع على قناة الحياة، عن أغاني زملاءه التي يريد غناءها قائلا: "نفسي أغني لعبد الحليم ولشيرين وبنتها سألتني السؤال ده وصعب أختار أغنية معينة لكن ولو فى حزني قوي هغني "مش هفضل كده علطول" ومن زعلي زهقت من نفسي".

ولفت حسام حبيب، إلى أن نقطة التحول الكبرى في حياته انفصال أهله وسببت له مشاكل يعيش بها حتى الآن، متابع: "الانفصال بين أهلي عملي مشاكل عايشة معايا لحد دلوقتي ولسه بعاني منها بتغلطني في حق نفسي وحق غيري وهو غلط غير مقصود وأكيد أذيت ناس في مشاعرها ولم أقصد".