أمير عيد: بعبر عن نفسى وناس شبهى ومافيش حد كل الناس تحبه

تحدث النجم أمير عيد، في لقاء خاص على تلفزيون " اليوم السابع" من كواليس تصوير مسلسله الجديد " دواعى السفر" عن هل يتأثر بكلام الناس السلبى وأول ما تأتى كلمة سفر ماذا يتذكر؟

وقال أمير:" لما تيجى كلمة سفر بفتكر أول مرة أسافر احساس بتاع أول مرة، وافتكر وإحنا صغيرين أول مرة اشوف البحر و أول مرة اسافر بلد جديدة  ولأول مرة أركب طيارة، و بحب السفر دائما اكتشاف جديد وتجرب حاجة خيالك مش مجربها أقبل كده، ولو سفرت جزيرة معزولة  هأخذ 3 أشياء معى  الجيتار و ملابس و الكومبيوتر عشان لو احتجت أسجل أغانى".

وعن هل يتأثر بكلام الناس السلبى، رد قائلا:"طبعا الناس اللى بتقول كده بيبقى عندهم رأى مبنى على أسس سليمة وليهم آرائهم تحترم  ومن الناحية الثانية بأخد كلامهم  أنه مفيد ليا وفى النهاية اللى بعمله مش بركز مع الحاجات دى أنها تأثر عليا وعلى تركيزى أو عاوز أعمل ايه، بحب الأغانى اللى بعملها و بستمتع جدا و أنا بعملها وبعبر عن نفسى و ناس شبهى و لو حد مش عجباه ذوق الأغانى اللى بعمله هفضل أعملها وممكن نتفق على أن نختلف، و مفيش حد الناس كلها بتحبه و بتسمعه".

والمسلسل مكون من 10 حلقات، ويعرض يوم 15 مايو ومن بطولة أمير عيد، كامل الباشا، نادين، أحمد غزى، أيمن الشيوى، جلا هشام، أحمد فاضل، دنيا وائل، سلمى الكاشف، نادر جوده، آية حلمى، آدم الألفى، مريم ناعوم، ياسمين سمير.
ويتعاون النجم  أمير عيد مع السيناريست محمد ناير في مسلسل دواعى سفر للمرة الثالثة بعد مسلسل ريفو، وهى التجربة الأولى لمحمد ناير في الإخراج وهو مؤلف المسلسل أيضًا.

ويعد مسلسل دواعى السفر أولى تجارب محمد ناير في عالم الإخراج التليفزيونى، بعد النجاحات الكبيرة التي حققها في عالم التأليف ونالت على إعجاب الجمهور وآخرها مسلسل ريفو بجزأية، مما شجعه على خوض التجربة الإخراجية ويكون في العمل المؤلف والمخرج.

والمسلسل من أعمال منصة WATCH IT الأصلية لينضم لسلسلة مسلسلات المنصة الأصلية وآخرها مسلسل لحظة غضب والذي عرض في موسم رمضان 2024، وعرض حصريا على منصة watch it من خلال 15 حلقة، وكان بطولة صبا مبارك، محمد شاهين، على قاسم، ناردين فرج، سارة عبد الرحمن، ريم خوري، وغيرهم من الفنانين، وهو من تأليف مهاب طارق، وإخراج عبد العزيز النجار، وإنتاج تى فيجن للمنتج طارق الجناينى.