أحمد فايق عن مناهج الثانوية العامة: " الواحد لو محتاج دوا هيكلم طلاب علمى علوم"

وجه الإعلامي أحمد فايق، نصيحة لطلاب الثانوية العامة، بأن الأصل في الأشياء الاجتهاد والعمل، والنتيجة عند ربنا، وما عند الله لا يضيع أبدا.

وأضاف خلال تقديمه برنامج "مصر تستطيع"، عبر قناة "DMC": "أنا كنت علمى رياضة في الثانوية العامة، وبعد ما بصيت في المناهج لقيتها بتتطور مع تطور الزمن"، مردفا: "جيلي أنا اللي اتولد في الثمانينيات العلمي بتاعهم أدبي دلوقتي مقرنة باللي احنا شايفينه لدرجة إن الواحد لو حس بتعب ومحتاج دوا هيكلم حد من طلاب الثانوية العامة، اللي هم علمي علوم تحديدا".

وواصل: "مادة الأحياء ثقافة وتدفق وعلم مختلف جدا، على ايامي كان بيتدرس في كلية طب، لأن الزمن تغير والقدرة على الوصول للمعلومة كبيرة جدا"، مستطردا: "النهاردة هنلاقي الشاب الصغير بيدرس برمجة توازى ما يكان يدرسه الطلاب في الجامعة من سنوات". 

وحرص برنامج "مصر تستطيع"، المذاع عبر قناة "DMC"، على تقديم خدمة لطلاب الثانوية العامة، بمراجعة المواد فى شكل مسابقة.