قدم برنامج "السفيرة عزيزة"، تقريرا تلفزيونيا، على قناة dmc، يستعرض حكاية سيدة تدعى نادية سراج وتجربتها في الاستشفاء بترددات الصوت، وتحدثت لكاميرا البرنامج قائلة: "الموضوع بدأ معايا أني كنت مهتمة بكذا جهة في الاسترخاء وأزاي نقدر نهدي أنفسنا لما نتعرض لضغوط ونغير أفكارنا ويكون عندنا معرفة بذاتنا".
وأضافت في لقاءها بالسفيرة عزيزة: "سافرت وتعلمت في 14 سنة فنون الاسترخاء وكنت بحب اسافر في الاجازات واتعلم حاجات جديدة ومختلفة، ورجعت مصر في عام 2013 ونشرت وعي الاسترخاء بآلات الصوت ودخلت آلات كنت موجودة وقت الأجداد بأشكال مختلفة".
وتابعت: "ترددت الصوت تساعد إنها تعمل توازن أكتر بعد ما ندخل في دراما بدماغنا وكل الضغوط بتؤثر على الطاقة وصحتنا وتردد الصوت بيعمل توازن في الطاقة بتاعتنا، ورسالتي هي أنه مهم جدا الإنسان يسمع صوت النداء اللي جواه اللي بيوجهه للحاجة اللي مسخر لها".
