أجاب الدكتور على فخر، أمين الفتوى بدار الإفتاء المصرية، عن سؤال متصلة حول: "فى حاجات كتير بتضيع من بيتى وبعدين بلقاها فى مكانها، مش عارفة أعمل إيه ومفيش حد بيدخل أو يخرج إلا أنا هل الجن يقدر يخفى الحاجات دى عنى؟".
وقال أمين الفتوى بدار الإفتاء المصرية، خلال حلقة برنامج "فتاوى الناس"، المذاع على فضائية "الناس"، اليوم الخميس: "لا مفيش حاجه اسمها حد بياخد حاجة من البيت إنها ممكن تكون هى بترتب الأمور وبعدين بترجع تعيد ترتيبها تانى وبعدين تنساها وعلى فكرة هذا بيحصل معانا كتير ممكن يبقى في حاجة إحنا متعودين إنها في المكان الفلاني بس أنا جيت في وقت معين وأنا برتب وأنا بنظف وأنا بعمل فين نقلها من مكانها وبقول إيه لا أنا هغير المكان".
وتابع: "لو حتى كان شيطان أو كذاب وسوسه فقط إنما علشان يتدخل وينقل أشياء مادية من مكان إلى مكان، لا مستحيل حدوث هذا الأمر".
وأعلنت قناة "الناس"، أنها ستقدم تغطية خاصة واحتفالية مميزة بمناسبة وقفة عرفات، تحت عنوان: "يوم إتمام الدين وإتمام النعمة على المسلمين".
تبدأ التغطية من صلاة فجر يوم وقفة عرفات على مدار اليوم، ونقل بث حي ومباشر من الأراضى المقدسة، ويتخللها نقل خطبة عرفات وصلاتي الظهر والعصر وذلك بمشاركة مذيعي قناة الناس إضافة إلى بعثتها الإعلامية، في رسائل حية من صعيد عرفات الطاهر.
يشارك فى التغطية نخبة مميزة من كبار العلماء الموجودين فى الأراضى المقدسة لأداء فريضة الحج، وغيرهم من داخل استوديوهات القناة.
وتركز التغطية على إبراز أهمية وقيمة فريضة الحج وشرح المناسك وتوضيح كيفية أداء الفريضة وثواب وجزاء الحج كما بينه الكتاب والسنة، مع إبراز مقاصد الحج والقيم الحضارية في خطبة النبي صلى الله عليه وسلم يوم عرفة.
