"ماما أنا جعان"، من أكثر الجمل التي نسمعها دائمًا من الأطفال في العزومات والتي تسبب الإحراج الشديد للأمهات، لذلك عليكى باتباع بعض النصائح الخاصة بالإتيكيت قبل زيارة الأهل والأصدقاء في العيد بصحبة أطفالك.
احتياطات قبل الزيارة
وقالت الدكتورة شيماء البهى خبيرة الإتيكيت في حوارها لـ اليوم السابع،"الأعياد معروفة بالعزومات والزيارات المختلفة وعند أصطحاب الأطفال هناك بعض الاحتياطات اللازمة قبل الزيارات، لو العزومة عند الأقارب والأهل هيكون معايا الأطفال عادى لكن لو العزومة عند الأصدقاء والزملاء في العمل لا يصح اصطحاب الأطفال إلا في حالة أن أصحاب البيت طلبوا منى أجيب الأطفال معايا.
لازم قبل العزومة يكون طفلى واكل وجبته في البيت مش شرط يشبع ولكن ميكونش جعان عشان ميعرضنيش للإحراج قدام الناس، ولو طفلى بياكل حاجات معينة مش أى حاجة بياكلها أو عنده ظروف صحية لازم يكون واكل وجبته كاملة قبل ما يخرج من البيت عشان معملش قلق وتوتر قدام الناس في العزومة لو هما مش عاملين أكل مناسب ليه".
الاهتمام بالملابس والنظافة
وأضافت: "لازم أهتم بلبس أطفالى ونظافتهم الشخصية وشعرهم قبل الزيارة وتكون ملابس مبهجة ومناسبة لأجواء العيد، وأثناء الزيارة ممنوع الحديث عن أي شيء حزين أو نتذكر حالة وفاة وخصوصا أمام الأطفال لأنها أحاديث غير ملائمة تمام للعيد ولا للأطفال".
وتابعت: "غير محبب أن يكون الأطفال على نفس السفرة مع الكبار ولكن يفضل أن يكونوا في مكان مخصص ليهم ويكون أمن وبعيد عن البلكونات المفتوحة أو أي شيء غير أمن ونبعدهم تمام عن الأماكن اللى ممكن تتأثر بسبب شقاوتهم زى مثلا مكان فيه تحف غالية ممكن تتكسر، ويفضل أن تكون المعالق والشوك اللى هياكلوا بيها من البلاستيك الصحى".
اتيكيت العزومات
الطعام مع الأطفال
زيارات العيد
تم أضافة تعليقك سوف يظهر بعد المراجعة