رصد أحمد يعقوب، مراسل برنامج "الستات ما يعرفوش يكدبوا" المذاع على قناة سى بى سى، الحياة فى مدينة العلمين وتوفير فرص عمل للشباب والقضاء على البطالة.
وقال أحد العمال العاملين بمدينة العلمين الجديدة إن: "فرص العمل متوفرة بجميع الحرف سواء من لديه صنعة أو بدون صنعة، فضلا عن الأمن الإدارى، وإتش آر، والإشراف، والمشروعات هنا كثيرة حاجة تشرفنا وتشرف بلدنا، وكلنا فخورين بيها، وهى مبهرة لدول العالم".
وأضاف عامل آخر، أن العلمين الجديدة فتحت فرص عمل كتيرة للناس اللى مش لاقية شغل، وأى واحد قاعد ييجى العلمين هترحب بيه، والشغل كتير ومتاح، مؤكدا أن المدينة فاتحة دراعها للجميع وعلى مستوى واسع، لأن الشغل فيها مفتوح لإقامة الأبراج الكتيرة".
ولفت آخر إلى أن "المدينة جميلة والمنشآت تدعو للفخر، والشغل هنا فى كل مكان ومتعدد، وانا برن على أى حد مش شغال وأقوله تعالى هنا الشغل كتير ومتوفر فى كل المجالات، والفرص متاحة، بس الشباب يسعى لشغله".
