علق الدكتور جمال شقرة أستاذ التاريخ الحديث والمعاصر، على تصريحات الكاتب والروائى يوسف زيدان، حول الرئيس الراحل جمال عبد الناصر، مطالبا بتحويله للتحقيق لأنه يرتكب جريمة جديدة في تشويه تاريخ الأمة، مما يؤثر على انتماء الشباب.
وتساءل خلال مداخلة هاتفية ببرنامج "الساعة 6"، عبر قناة "الحياة"، مع الإعلامية عزة مصطفى: "مش قادر أفهم إيه مواقفه العدائية من أبطال لعبوا دور مهم جدا في تاريخ مصر؟.. لما أجيب تاريخ عرابي أو عبد الناصر أو أي بطل من أبطالنا، أصبحت هناك حقائق ثابتة من الوثائق العربية والأجنبية أن هذه الأسماء لعبت دورا مهما في حماية الأمن القومي المصرى".
وتابع: "ليه بيهاجم رموزنا ويشوه ذاكرة الأمة ويضعف انتماء شبابنا؟ لما شباب يعرفوا إن عرابي خاين وعبد الناصر يهودي وصلاح الدين الأيوبي سفاح، وإنه مينفعش نحب المماليك؟، دا أوروبا بتحترم بيبرس وأبطال مصر اللي أوقفوا التتار المغولي اللي كان هيدمر أوروبا نفسها، ليه أشوه ذاكرة الأمة؟".
وواصل: "كنت من الذين يرفضون تقليص الإبداع ومحاكمة المبدعين ورفضت يتعرض قانون في المجلس يسن لمواجهة تزييف التاريخ، لكن دلوقتي المسألة أصبحت خطيرة جدا وخاصة مع انتشار أقواله على السوشيال ميديا"، مستطردا: "نجيب له وثائق أكتر من اللي بتقول إن عبد الناصر حرر مصر، وعمل ألف مصنع واتفاقية، وطرد الإنجليز، وواجه الاستعمار والعدوان الثلاثي وبنى وعمل تنمية وتحديث، وإنه أمم قناة السويس ورجع حقنا، دي كمان أكذوبة؟ نقول انتصارات مصر كلها هزائم؟ هو ليه بيعمل كده؟ أي إبداع ده اللي يزيف ذاكرة الأمة".
