قبل الرحيل المفاجئ لأحمد رفعت لاعب نادى مودرن سبورت صباح اليوم عن عمر ناهز الـ 31 عاما، وعقب خروجه من المستشفى لاستكمال علاجه من المنزل، قال رفعت فى تصريحات تليفزيونية: "أى بنى آدم لازم يبقى فاهم إنه فى لحظة ممكن ما يبقاش موجود.. مش هيتبقى غير إنك بنى آدم كويس.. إزاى بتتعامل".
وأضاف: "ما تكونش شخص مؤذى.. وارد فى أى وقت أى حد ما يبقاش موجود.. حصلت وأنا فى الملعب وأنا بجرى، مش فى حادثة أو وأنا فى مشكلة" وتابع: "السيرة بتفضل أكتر.. واللى انت بتعمله فى حياتك".
وكان نادى مودرن سبورت أعلن صباح اليوم وفاة أحمد رفعت بعد تدهور حالته الصحية إثر الأزمة الصحية التى تعرض لها بمباراة فريقه أمام الاتحاد السكندرى 11 مارس الماضى بالدورى.
