قال الفنان رشوان توفيق، ربنا أكرمنى أنى لم أحقد يومًا على أحد، والحمد لله كنا عاملين زى الخيل فى السبق، أنا و مجموعة الشباب اللى طالعين، ومعملتش أى تنازلات".
وأضاف خلال لقائه ببرنامج «العاشرة»، المُذاع عبر فضائية إكسترا نيوز، تقديم الإعلامي محمد سعيد محفوظ: « أبويا وانا صغير قالى أوعى تشرب سجاير وعشان كده عمرى ما دخنت، وأمى قالتلى أوعى تقعد فى حتة فيها مخدرات، وعمرى ما قعدت فى جلسة فيها حد بيشرب مخدرات».
وأكمل: « الرزق عند ربي، وانا مخلص فى عملي، ومواعيدي بالثانية، ومشهور عنى فى الوسط الفني إلتزامي بالمواعيد، ومبحبش حد يوجهني أبدًا، وبذاكر فى شغلي إذا كنت بمثل، واتقى الله فى مال المنتج اللى بشتغل معاه».
وقال: « يوم افتتاح التليفزيون كنت موجود فى المبنى نفسه، والدكتور عبد القادر حاتم أنا مسميه وش الخير، حينما كان يدخل التليفزيون كان يقول لى "صباح الخير يا رشوان" قبل أن يدخل إلى مكتبه، وعزت العلايلي كان يسميني "الدكتور رشوان حاتم"، بسبب حب الدكتور عبد القادر حاتم لي».
