اجرى تليفزيون " اليوم السابع" لقاء خاص مع الفنانة بسمة داود التي لفتت الأنظار اليها بدور "نهلة" في مسلسل "الوصفة سحرية"، ونالت تعاطف المشاهدين تحدثت الفنان عن دورها في "الوصفة السحرية": "شدني لبسها للحجاب وشخصيتها من نكدية واحب العمل مع شرى، وعن مشهد المواجهة كان مختلف تماما عن أي حاجة احنا عملناها في دوري، وبعد ما خلصنا تصويره كان في تسقيف وعياط وحزن وتأثر بالموقف كبير جدا، واتمنيت إن اللي الناس حسته في اللحظة دي، يوصل للمشاهدين بنفس الصدق ويسيب نفس التأثر".
واستكملت حديثها قائلة:" شعرت في مشهد الخيانة ان امجد زوجى هو من خاننى، شخصية نهلة كانت تمثل بسمة، عندما شهدت المشهد تاثرت جدا حتى الان، واما عن نهلة فهى لم تقصر تجاه زوجها، كانت حرفيا بتولع صوابع ايديها شمع لارضاء زوجها، وكل استثمارها في الحياة هي ابنتها وزوجها".
واستطرد:" أنا ونهلة مختلفين تماما عن بعض في الشخصيات، ولكن هي مهدتلي فكرة الجواز وإزاي أبقى مركزة في كل حاجه وأعمل بيت كويس، زى ما كانت ولدتها بتقول لها في المسلسل "حاجى على بيتك" اتعلمت ازاى "احاجى على بيتى" مش بحب أعمل حاجه شبهي، لو عملت حاجه قريبة من شخصيتي الحقيقية هتبقى هي دي أنا مش هبقى ممثلة".
وعن نصيحة نهلة إلى جمهورها قالت:"نهلة ليست في موقف ان تعطى نصيحة، ممكن انصحها إنها متخسرش نفسها.. ونهلة معملتش حاجة، اللي عمل كل حاجة جوزها الأناني الخائن:".
اضافت بسمة قائلة:" الستات صحاب في الواقع أكتر من الرجالة، واحنا عشان كنا صحاب فعلا بره المسلسل فده ظهر علي الشاشة، وكان في متعة وقت التصوير وانبساط مجربتوش في أي لوكشن قبل كده، واللى كان بيحصل اثناء التصوير من قابلات اصبح يحدث في الواقع يوميا".
وأضافت بسمة:" شخصية ريم في مسلسل "تيتا زوزو" مختلفة عن جميع أعمالي السابقة، وجميع مشاهدي التي تم تصويرها كانت رفقة الفنان محمد كيلاني، وأتمنى إن دوري يعجب الجمهور، وقريبًا هصور مشاهدي مع الفنانة إسعاد يونس، والتعامل معها رائع، وأنا بحبها بشكل كبير".
