الفنانة جميلة عوض: مكنش على بالى أتجوز خالص.. وزوجى حبنى من غير ما أشوفه

استضافت الفنانة والإعلامية إسعاد يونس، مقدمة برنامج "صاحبة السعادة"، الفنانة جميلة عادل عوض، وزوجها المونتير أحمد حافظ، وذلك على قناة dmc.

وقالت جميلة عوض، :"مكنش على بالى أتجوز خالص، وهى حاجة كانت مؤجلة للأبد، من كتر ما الناس بتعلق بشكل سلبى على الزواج، كنت حابة أركز فى شغلى".

وعن بداية تعرفها على زوجها قالت جميلة عوض،:"زوجى كان بيمنتج أعمالى وكان بيحبنى من غرفة المونتاج من غير ما اشوفه، وشكلى كان وقتها مش هو اللى ممكن يشده ويعجب بيه، وسأل عليا حد من صحابى قالوله هى لسه صغيرة ومش هتديك وش".

تابعت جميلة عوض:" زوجى جالى فى مهرجان الجونة وقال لتامر حبيب :"أنا بحب آية" ودى كانت شخصيتى فى أحد الأعمال، وكان يجبلى هدايا غريبة من السفر وكنت بهرب أخدها، وفى وقت كورونا كان معجب بيا لكن مكنش مركز معايا، وبيكلمنى كل أسبوعين".

ولفتت جميلة إلى أنه كان بيكلمنى بعد كورونا بشكل دائم وقالى بحبك ادينى فرصة أكون موجود فى حياتك، وكان رزين وتقيل، وحسسنى بأمان معين معاه، وخلانى متعلقة بيه بشكل أكبر، وانا كان نيتى نفضل أصدقاء وهو كان صديق جدع".