أحمد كمال يروى موقفا محرجا له بالمدرسة فى "صاحبة السعادة".. فيديو

طالبت الفنانة والإعلامية إسعاد يونس مقدمة برنامج "صاحبة السعادة" المذاع على قناة dmc، من فريقى منصة "بيس كيك" للمحتوى الترفيهى و"إرزع" أن يروى واحد من كل فريق أكتر موقف مضحك حصله فى المدرسة".

وروى أحمد كمال من فريق "إرزع"، موقف محرج له فى المدرسة طالبا الأطفال بعدم تقليده وانه غير مسئول عما فعله، قائلا:" الموقف اللى عملته كان غلط وتعلمت منه، وده كان فى الصف الأول الثانوى، وخلال الامتحان قلت حاجة لزميلتى اللى ورايا فضحكت فقالى المراقب قوم اقف إطلع برة، فقلت له مش هطلع برة، فشدنى من التيشرت فتقطع، فزقيته، واصحابى جم وزقوه نفس الزقة، وخرجت من اليوم ده وحاسس انى منتصر".

تابع :"تانى يوم جات مديرة المدرسة عندى فى الامتحان وقالتلى عامل إيه إزيك يا حبيبي ؟ وإيه شعرك الجميل ده، ممكن تيجى عندى المكتب بعد الامتحان، فقلتلها ماشى، فدخلت المكتب بتاعها وكان معزول عن الخارج، وجانى حلاق وحلقلى إجبارى، وقالتلى علشان تبقى تتعلم، وخرجت أقرع".