"آسف يا ريس" تشكك فى إضراب الأطباء: "رافعين صور محبوسين من الإخوان ليه؟"

انتقدت صفحة "أنا آسف يا ريس" الداعمة للرئيس الأسبق حسنى مبارك، تظاهرات الأطباء ودعوات إضرابهم عن العمل، واصفين أن هذه الإضرابات مشبوهة ومدعومة من جماعات الإخوان و6 أبريل.

وكتبت الصفحة فى عدة ملاحظات: "لو نقابة الأطباء شايفة أنه من حقها أنها تنزل فى الشارع بالآلاف وتخترق قانون التظاهر وتعطل المرور عشان تعبر عن غضبها من حادث فردى بين أمين شرطة ودكتور، إذا فالناس المريضة دلوقتى اللى حضراتكم سايبنهم فى العيادات والمستشفيات بدون دكاترة هما كمان من حقهم يعملوا فيكم أية؟".

وتابعت، "لو الأطباء نفسهم شايفين أنه من حقهم أنهم ينزلوا يتظاهروا ويعملوا إضراب عشان مشكلة فردية مع شرطى أخطأ، فالناس اللى أنتو نسيتوا فى بطنهم الفوط والمقصات، واللى أنتوا قتلتوهم وسببتولهم العمى بإهمالكوا، دول بقى هما كمان أهاليهم يعملوا فيكوا إيه؟"، متسائلة "لو أنت كدكتور شايف أنك نازل عشان تتظاهر وتعبر عن غضبك عشان مشكلة فردية مع فرد شرطة أخطأ، أمال حضرتك رافع صور محبوسين من الإخوان ليه؟".

وقالت "لو حضرتك شايف أن نزولك ده مجرد تعبير عن الرأى والغضب ملوش أهداف سياسية تانية، يبقى اشمعنا قناة الجزيرة بتنقل مظاهراتك واشمعنا صفحات الإخوان وأعضاء 6 أبريل كلهم متضامنين معاك ونازلين يتظاهروا جنبك؟"، متابعة "لو أنت شايف أن من حقك تثور وتغضب عشان حادث فردى بين دكتور وأمين شرطة، يبقى الناس اللى بتطردوهم وبتسبوهم من غير علاج فى المستشفيات عشان ممعهمش حق الكشف يعملوا هما كمان فيكوا إيه؟".

واختتم صفحة "أنا آسف يا ريس" ملاحظاتها بالقول: "أخيراً ليه دايماً أى مشكلة بين أى فرد شرطة وأى موظف فى أى مكان بيتم استغلالها سياسياً وإعلاميا ضد الدولة، والسؤال هنا هل لو كانت المشكلة دى بين مهندس ودكتور أو بين مدرس ودكتور كانت هتبقى نفس النتيجة؟، ولا هو تربص بجهاز الشرطة و خلاص؟.

موضوعات متعلقة..

- أمين الأطباء: كرامتنا فوق كل شئ ولن نعود لمنازلنا إلا باتخاذ قرارات تصعيدية

- تكثيف أمنى بمحيط دار الحكمة والأطباء يصوتون بالكروت الخضراء والحمراء

- وفد من "المصرى الديمقراطى" يشارك فى "عمومية الأطباء" لدعم مطالبهم

- "عمومية الأطباء" توافق على إحالة وزير الصحة للجنة التأديب وتطالب بإقالته

- نقيب الأطباء: قرارات العمومية الطارئة ستكون ضد المخطئ وليس المرضى

- "عمومية الأطباء" تتمسك بالإضراب.. ومحاولات من مجلس النقابة لتهدئة الوضع

- اللجنة المنظمة لعمومية الأطباء: تجاوز أعداد المشاركين 10 آلاف عضو

- عضو بـ"الأطباء": لم نجتمع لكرامة الطبيب فقط بل الشعب المصرى كله

- عمومية الأطباء تطالب بإقالة وزير الصحة بهتافات "مش عاوزينه.. ارحل"

- بالفيديو والصور.. لأول مرة.. اكتمال النصاب القانونى لـ"الأطباء" قبل الموعد المحدد بساعة.. الجمعية العمومية تشهد مشادات بين الأعضاء.. والنقابات الأخرى تشارك معلنين التضامن ورفض التعدى على الأطباء

- بالفيديو..حكمدار القاهرة وقيادات أمنية يصلون محيط نقابة الأطباء بالتزامن مع "العمومية"